المناهج الجديدة

لازم قبل ما حدا يجاوب يفكر بالاول ويقرر هو مع اي رأي
المناهج الجديدة
اغلبنا عنا قريب يدرس بالاسلوب الجديد ان لم نكن نحن اوقريبه مدرس
هناك من يقول المناهج مطورة من حيث المحتوى العلمي والاسلوب
والطلاب فاعلين اكثر مما يستدعي جيل اكثر قدرة على مواكبتة التطورات
اما الاخرين يقولون ان الجديد يشتت الطالب وغير معروف العواقب لأن التجربة في بلدنا ليس من الضروري ان يكون لها نتائج التجارب الاخرى
ان كنت مع الاولين فأت ببراهين تؤكد فكرك وكذا للآخرين

أنا رح أحكي عن منهاج الصف العاشر بما أني عم أدرسو....
بشكل عام المنهاج الجديد بينقصوو معدات(وقت.كادر تدريسي.عدد شعب أكتر.حواسيب.تنفيذ حقيقي لنظام المجموعات).
المعلومات اللي بكتب(رياضيات.فيزياء.كيمياء.علوم)رائعة بس في مشكلة بكتاب الكيمياء بالتركيب اللغوي للجمل....يعني كتير أحيان بفوت بالحيط من كتر مو الجمل فايتة ببعضها.. أما من ناحية المعلومات فهيي مناسبة جدا.....وبينقصنا مخبر كيميائي...
كتاب التاريخ فينا نعتبرو مجلة الواحد بيطلع عليها بس مافينا نحفظو عالحرف لأنو الدرس كتير طويل بس بالمذاكرات لازم نذكر بشكل شبه حرفي بالإضافة لأنو الدرس مابياخد حقو بالشرح.
الجغرافيا كتير حلو ومعلوماتو أحلى.
وطنية وديانة صارو كتير حلوين ومبسطين وبيعتمدو ع مدى فهمنا للدرس (طبعا غير الآيات والأحاديث النبوية اللي لازم نحفظها عالحرف)
عربي: حدّث ولاحرج....أفشل كتاب هوي كتاب العربي......مواضيعو سخيفة وطرق إعطاؤو خاطئة...
فلسفة:حلوة كلها عم تعتمد ع الدخول لعلوم جديدة.
فنون...كتير تطورت ...بس نحنا طلاب العاشر حاليا مافينا نتفاعل معها لأننا أصلا ماتعلمناها بهالطريقة الممتعة من قبل ..بس الطلاب اللي رح يجو بعدنا رح يطلعو بيفهمو بالرسم منيح.
أنا زعلان ع مادتين:
الأولى:الحاسوب اللي "ياحرام" ما حدا طلّع فيه مع أنو مادة الحاسوب هيي المادة اللي أول وحدة لازم تتغير وتصير مناسبة للمناهج الجديدة(لأنو المناهج بتعتمد عالتكنلوجيا وبالأخص الحاسوب)
والتاني:ع مادة الموسيقا.....يعني ليش ماعنا موسيقا؟؟؟مع أنها إلها علاقة بالفيزياء والرياضيات وعلم النفس...

هلق انا ما عم ادرس بالمنهاج الجديد بس حسب ما بسمع وسمعت كتير اراء عن المنهاج الجديد انو حلو كتير وممتع وطريقة التدريس وطريقة التعلم جميلة وممتعة جدا بس ما عم يتم تطبيق هالطريقة من قبل كل الاساتذة والطلاب من كتر المنهاج مو طويل و انو ما عم يلحقوا وكمية المعلومات الكبيرة وعم تتعب الطلاب كتير بس كل شي الو سلبياتو واجابياتو وبجوز اتكون السلبيات هلق اكتر من الايجابيات لانو طلاب العاشر مثلا هلق مو متعودين عالمنهاج
الجديد وكمان في مشكلة قال عليها علي انو عدم توافر لوازم التعليم يلي بتساعد الطلاب عالتعلم
ويلي ضرورية اتكون متوفرة بكل مدرسة لحتا يكون العمل متكامل.
بس انا براي بضل المنهاج الجديد احسن من القديم لانو اغلبو بدو فهم وبحث وشغل مو متل منهاجنا تلت رباعو حفظ و بعد شهرين منكون نسيانين كلشي .

يعني طلاب العاشر كتب التاسع ولا العاشر احسن بغض النظر عن نقص المعدات

هلق أنا اطلعت عالتنين
أكيد المناهج الجديدة
لأنو منحس أنو إلها صلة بالحياة العملية
و ممكن تطبق مباشرة
مو متل كتبنا ( يعني مثلا الفيزياء عنا صرلو 20 سنة و في معلومات مو دقيقة )
لا المنهاج الجديد طبعا ( بس لازم بدو اساتذة جدد لانو بصراحة في البعض مو قادر يدرس بأسلوب جديد بعد اسلوب قديم ضل علي عشرات السنين )

اقتباس :

يعني طلاب العاشر كتب التاسع ولا العاشر احسن بغض النظر عن نقص المعدات

كتب العاشر أحسن من ناحية المعلومات وطريقة العرض

طيب بما انو انتو الكل متفقين على انو المناهج الجديدة احسن رح سكر الموضوع وابدا بموضوع جديد