حملة تجديد المنتدى

لأنه الصيف وهو الوقت المناسب للتجديد وبعد 15 يوم من الراحة هذه دعوة للتجديد
معنا من اليوم وحتى 1 الشهر القادم لهذه العملية
وهنا سنقوم بالتجديد على عدة محاور
الأول بالشكل واتمنى ان اسمع اقتراحات عن الالوان وغير ذلك مما يتناسب مع المضمون
ومن له باع في التصميم ويرى في تصميم محدد ما يناسب فلا مانع ايضا اذا وافق بقية الاعضاء عليه
المحور الثاني حملة نشر الموقع بين الزملاء وهو ما يمكن القيام به خلال نشاطاتكم الصيفية ومع أقرانكم
لرفد المنتدى بأعضاء جدد لهم أفكار جديدة أو من خلال نشاطكم على المواقع الاخرى أو فيس بوك أو.....
الثالث ممكن في مجال الفيزياء والكيمياء فتح مواضيع من كتب السنة القدمة ونحكي بشكل مبسط عنها حتى يكون ولو فكرة بسيطة
ومن لديه افكار جديدة فهذا مكان لطرحها

كتير منيح بس بظن انو الاقتراح التالت مو كتير مستحب !

برأيي الفكرة كتير حلوة بس نحنا من وين رح نعرف مواضيع كتب السنة الجديدة؟؟

تمام بداية مشرقة وليكون الأداء أكثر فاعلية بتمنى نربط النقد بالابداع كيف؟
يعني براي في المشكلة الفلانية بذكرها وبذكر حلها بالتفصيل من وجهة نظري
وبتمنى تكون جملكم دقيقة مشان نوصل على نوع من التفاهم
وبتمنى الكل يشاركوا لأنو انت بتفضل شي وغيرك بفضل شي تاني
وهون بيكون الهدف اني لاقي التقاطعات المشتركة بكلامكم
بس برجع بقول ما حدا يذكرمشكلة وما يذكر حلها
وكتير حلو مثلا تحط مخطط للمنتديات او الالوان او اي شي بيخطر ببالك
وهون انت للمذكر والمؤنث وبيهمني كتير اسمع رأي الصبايا بالتفصيل
اما بالنسبة لكتبكن الجديدة فرح حاول الفترة الجاي اعرف شو هي الكتب اللي رح
تدرسوها السنة الجاي
ارحب بشدة بالافكار الغير مطروقة من قبل الجديدة والغربية
لا مكان لفكرة غلط ولا رأي غلط ولا شي بشع
فالحلو والمميز الك بيجوز عادي بالنسبة لغيرك
فلا تتردد مهما كان الطرح اللي عندك
يعني مخطط عام للمنتدى وكل اللي في

اول شي أفكار graviton ظريفة كتير وفي شغلة بالنسبة لمشكلة اللون هلئ مابعرف أذا هي متوفرة على الموقع يلي عليه المنتدى ؟وهي انو بكون في بالصفحة الرئيسية للمنتدى في 3زرار (ارتباطات) بكون كل زر بيعمل لون الصفحة شكل وهيك يصير كل واحد فينا يحط اللون يلي بيرتحلو

1) برأيي متل ماقال كرافيتون نعمل المنتدى أبيض وأسود ممكن نخلي الأزرار بس تختلف بالألوان وهيك ممكن يكون مريح ومرضي للجميع
2)كان في صفحة للمنتدى عالفيسبوك التغت فحأرجع أعملها وبحطلكو رابطها هون طبعا بدكن تكونو نشيطين عليها فموافقين؟؟؟ وأكيد بعد موافقة الإدارة؟؟
3)أما بالنسبة لتقسيم المنتديات فالمنتديات العلمية (فيزياء/كيميا/علوم/) تضل متل ماهي أما الباقي الكتاب والموسيقى فبرأيي يلتغو لأنو مشاركات الأعضاء بتدل عأنهن مابطيقو هيك شغلااات فمن الأفضل يلتغو.............وبالنسبة لمنتدى الحوار فبقترح إذا وافقتو عالصفحة بشرط تكونو نشيطين فيها فهي رح تكون للحوار وبس........... من هنا وهناك بقترح يتضمن الأخبار والترحيب وروح وأرض بس بأنو يتقسم هو مشان الأعضاء مايقرأو المواضيع الي عالواجهة بس وهيك بكون خلصت حكي هلق بس أتذكر شي برجع بنشرو

أقترح ما يلي :
1: لون المنتدى سماوي هادئ , وخلي في نوع من البساطة
2:بالنسبة للمنتديات العلميةيعني الفيزيا والكيميا والعلوم تصير بمنتدى واحد والمنتديات الأدبية تصير بمنتدى واحد وانو يصير منتدى ترفيهي يعني يشمل الضحك والنكت وأي سي في ترفيه عن النفس
بتمنى تعجبكم اقتراحاتي

بالنسبة للتصميم يعني بكون براعي كل الأذواق إذا نزل خيار لون المنتدى حسب رغبة العضو .....مشان كل شخص بحط اللون اللي بدو يا
بالنسبة للمنتديات يعني منتدى روح و أرض فعلا مبعرف كتير شو فائدتو بالضبط
فكرة الحوار فكرة كتير حلوة و بظن هي الفكرة الأكثر رغبة لانو بتجمع كل المواضيع و بتساهم بتوسيع الفكر و المعلومات ..........يعني مو متل المواضيع الجافة اللي مو كتير منها فوائد
غير هيك انا بشوف انو لازم نبلش بموضوع المشروع بشكل جدي أو نحط أساسات المشروع و الخطوات تبعو لانو كل متأخر الوقت بصير الموضوع مهمل و ماحدا رح يهتم لهيك لازم نبلش في

مرحبا ...
شكرا انسة ع هالموضوع
انا رايي متل رايي الشباب انو يكون للمنتدى لون موحد ويلي هوي مثلا ابيض واسود وكل واحد يغيرو ع حسب ذوئو...وحابة ئلو لحسن انو انا شايفة انو مواضيع الروح والارض والموسيقا و .... مع اني ما كتير بشتغل منئدر نستفاد منهن كتير بس نقراهن ومين مننا ما بحب ارضو وطنو وبحب يحكي عن مشاكلو ويئدر يحلا ضمن نطاق المنتدى مثلاا بالعكس هيدول المنتديات مهمة وفكرة منتدى الحوار او تطوير الذات كتير فكرة حلوة ممكن فيها نتعلم اسلوب انو نحكي مع بعض او نتناقش بشكل احسن مع احترامي للكل بس بجوز فكرة انو نكتب اسئلة للسنين الجاي شوي صعبة بس ممكن كل واحد ينزل مواضيع شو استفاد من السنة يلي رااحت هيك انا بئدر استفاد من غيري وغيري يستفيد مني وخاصة بعد ما انو المنتدى يصير مشهور اكتر وبجد صار لازم نشوف المشاريع احسن من انو نتاخر وبسسسس....

والله اللون لازم يكون ون ذوق الانسة بس المشكلة انو ما في مواضيع مهمة ومثيرة وكمان ما في حيوية المنتدى متل ما كان من قبل

خلينا نحكي بصراحة
تنسيق الألوان بالمنتدى أبدا مو حلو وحتى الخط صغير ومانو مقروء وأغلب الكلمات مو واضحة بالمرة وين الألواااااااااااااااااان؟؟؟؟؟؟؟؟؟؟؟؟؟؟ كأنو رجعنا عالعصر الحجري

لا هيدا موتنسيق المنتدى
بس المشكلة عم يديق علي الوقت فعم اشتغل على مهلي
بدكم اطولو بالكم علي
انا بالاول بحط الالوان لحتى يتوافق عليها الجميع
بعدين بحط الرتوش

هاي شباب وصباياتسمحولي بكلمة قرأت اقتراحاتكم وبصراحة كلها حلوة ولكن كلكم عم تدوروا حول فكرة واحدة ومتل مابتعرفوا كل ماكترت الأفكار بكون أحسن وعلى فكرة ,فكرةالحوار رائعة بس الرأي الأول والأخير للانسة لأن هي رح تشوف أفكارنا وتوحد بمنهجية واحدة وبتمنى نصير كلياتنا كل واحد يسعى إلى تطوير الذات وصفاء الروح يعني من هالحكي منتدى تطوير الذات كتير مهم

بظن أنو فكرة الغاء منتدى من هنا وهناك كانت غلط , لأنو منتدى من هنا وهناك شامل وكان ممكن نحط في أخبار ونحط في أي موضوع مو ممكن تنسيقو بقسم تاني , أما منتدى الأخبار فما فينا نحط في غير "الأخبار" . فلهيك برجح فكرة نلغي منتدى الأخبار ونرجع بدالو منتدى من هنا وهناك .

أنسي أنا أول ما دخلت على المنتدى دخت وماعد أعرف شي بالمرة لهيك ماعجبني التنسيق بس مع هيك برأي خلي المنتدى كلو ألوان أحلى وشكرا اليك على كل الأحوال

على أنو ننطر الآنسة لتفضى ورح نساوي اللإقتراحات المشتركة موهيك آنسة

مين قلك انو اقتراحاتك ما اخذت بعين الاعتبار
ومنتدى الحوار معمل من فترة
اما النقد الساخر فانا ضدو تماما لأنو مجتمعنا بصورة عامة ما عندو فن النقد ولا تقبل النقد
ومشان ما ندخل بمهاترات ما الها لازم فضلت اني استبعد هي الفكرة
انا ما بعرف مين انت تماما وبالبيانات الخاصة فيك انت 11 يعني كنت من طلابي؟
ولا عن جديد صرت11
بس باعتبارك نشيط ممكن نتعاون اكتر بس نعرفك اكتر
اما بالنسبة للتأخير
فبتخيل أنو ما في حدا ومو حاسس انو نحنا رح نخترق المجرات بسرعة النت اللي عنا
وشي اخير حلو منكم جميعا تشاركوا بمواضيع مثيرة للاهتمام تدعو الاخر للتفكير والنقاش

كتير حلو معناها نحنا متفقين
ورح يكون هيدا كلو بمنتدى القبعات الست وهو طريقة تفكير في كل واحد يقرا الموضوع بأسلوبو
انا فعليا فهمانة انو انت عم تحكي على الفكر
وكنت بأول المنتدى نزلت موضوع عن رأي الأعضاء على ارتباط الفكر بالمفكر
وبالنتيجة كان الاغلب بيربط الاتنين سوا
ومع ذلك رح نجرب ورح تكون مواضيعنا جريئة بمقدار ما بيطلب الموضوع
graviton انا مع طلابي باعتمد أني أشير الى الطريق واترك الطلاب تكمل
هيك بيكون للمشوار نكهة شخصية لكل فرد
ولهيك ما حطيت اي قانون لاي منتدى
وكنتم من المسؤولية بمكان بحيث من النادر حدا طلع برا الخط الاحمر

اقتباس :

وكنتم من المسؤولية بمكان بحيث من النادر حدا طلع برا الخط الاحمر

ليش في حدا كان عندو الجرأة يطلع براتو؟؟؟
(((((((((((((((هو مو كل القواعد مشتركة بين الأعضاء لهيك يعني الخط الأحمر عندي كان لازم أتجاوزو بشوية شغلات ولطرح رأي أو فكرة وحدة مشان أعرف رأيكو وفكرتكو المقابلة مو أكتر بس بعتذر إذا كان سببت أي إزعاج وشكرا على طولة بالك آنسة )))))))))


ومتل ماقال ايهم فينا نلغي الأخبار ونحط منهنا وهناك ومافينا نخلي الأخبار هيك بهالفوضى برأيي