الفرصة ......

كان البعض منكم طلب مني
منتدى ترفيهي
وكتير منكن عنهن مواضيع ترفيهية بحبو يشاركو البقية فيها
فهيدا المكان متل الفرصة بالمدرسة فيك تحكي نفس
الأشيا اللي بتحكيها بالفرصة وبتحب الكل يسمعوها
واسمحولي ابدا بأول موضوع
شو الموقف اللي صار معك بش حصة وبتحب تحكي وشكلك رح تحكي
لأحفادك بعد 100 سنة وما بتنسى

أول حصة فيزيا للآنسة إيمان عنا كنت نايم شي الساعة4 أو 4ونص لهيك كنت فرطان من النعس....كل ما أتاوب تطلع فيي الآنسة وتضحك....الله يسامحك يا آنسة لو خليتيني أغفى بس خمس دقايق

مرة كان عنا حصة انكليزي وكنا صف خامس ف كان عنا تسميع بشرح مفردات اجيت شقيت ورقة صغيرة وزتيتها لرفقاتي قلتلن الله يجيرنا جاي الدور لعنا اجى الاستاذ مسك الورقة وقأها ونبش كل الصف ليشوف هالصفحة اي دفتر بتناسب اجيت انكشفت بس ما اكلنا بهدلة بس شوية عياط قوي الله يسامحك يا استاذ مصطفى بس رغم هيك بضل استاذي بحبني وبحبو وو لهلأ بصدفو بتالطريق بسلم عليه وبذكر هالموقف

أما أنا شو بدي أحكي لأحكي..!!
المشكلة أنو كلل حصصي بصير معي مو بس شيئ ...أشياء
متل أول حصة ديانة إلي بالعاشر مو بس حضرتها بالفصل التاني.. طالعني لبرا وما عاد فوتني الأستاز لأني قلبت المقعد ف حرمني كل السنة من مادة الديانة
كمان بالعاشر كنا عم نصفر أنا ورفيقي بحصة العربي للأستاز ماهر الحوري ف شك بخمسة أشخاص ودعانا لغرفة التحقيق طبعا ما عتترفنا مين الي صفر قام فصلنا خمستنا 3 أيام
وبالحادي عشر هربنا هروب جماعي 82 طالب قمنا انفصلنا 3 أيام ع 3 ع7 دفعات
أما بالبكلوريا ما فيني أحكي شو عملت أو شو عم أعمل مشان ما داوم الأحد ولاقي قرار فصلي من كل مدارس سوريا ع مقعدي
طبعا غبر الهروب من الحصص والمشاكل مع الأساتزة... بس كلهن بحبهن ودائما الحق عليي طبعا
بس اسا الخير لقدام " ترقبو كل جديد على شاشات سبيس تون " هههههههههه