توتر يصيب مدرسة أبي ذر الغفاري

توتر يصيب مدرسة أبي ذر الغفاري بعد حدوث مشاكل عدة منها :
1 - طلاب الصف الأول الثانوي يقومون بتصوير مدرس العلوم ( فيديو ) ونشره على فيس بووك
2 - طلاب الثاني الثانوي قامو بتصوير مدرس العلوم و آنسة القومية ...بعد اكتشاف المدير بالقصة ومصادرة الموبايل الذي تم التصوير من خلاله
وهناك العديد من المشاكل
وبعد هذه المشكلتين أصبح قرار الفصل النهائي متداول في المدرسة
مع العلم بعدم وجود كادر تدريسي جيد .

قرار الفصل النهائي ما تنفذ بس تم نقل الطلاب إلى مدارس ثانية وكان في ظلم بالموضوع لأنو بعض الطلاب نقلوا إلى مدارس ثانية أما البقي فسامحوهن ليش ما حدا بيعرف
birthday

اي و الله
مافي عدل بالموضوع
بالأخير مغامرات
الشباب كانوا عم يأكشنوها
مو أكتر

spot light كتب:: قرار الفصل النهائي ما تنفذ بس تم نقل الطلاب إلى مدارس ثانية وكان في ظلم بالموضوع لأنو بعض الطلاب نقلوا إلى مدارس ثانية أما البقي فسامحوهن ليش ما حدا بيعرف

-------------------

والله يا صاحبي يلي عندو واسطة بيمشي حالو .... يعني شو واحد ينئلو على زكي والتاني على حيلونة وواحد على مدري وين ......
بس متل ما ئلتلك عندك واسطة لا تهكل هم شي وفهمك كفاية

حكيك صح يوسف100% و أنا كنت بعرف أنو ( يلي عندو واسطة بيمشي حالو وبينفد) بس ما حبيت أقول هالحكي

للمنقولين الرحمة والغفران ......ولأهلهم الصبر والسلوان وطول البقاء باذن الله

ّ!ّ

يعني بس بدي أعرف شو هالمتعة يلي راح يعيشوها اذا صوروا استاذ مقطع فيديو و نشروه
و أنا بشوف انو هدول الطلاب بيعتبروا هالشي رجولة و هوي أبعد ما يكون عن الرجولة و أنا بعتبر هاد الشي قلة أدب و هيك أشخاص بيستاهلو أي اجراء بحقون اذا كان نقل أو فصل يعني و انتو ليش لحتى تزعلو عأشخاص اننقلو و أشخاص بقيو و نسيتو طبعا المشكلة الأساسية و يلي هيي ادخال الموبايل للمدرسة و تصوير الاساتزة.
-فعلا صار لازم يتطبق قرار الفصل بالمدارس و بدون رحمة.

cyclops

أنا مارح نزل ردي بخصوص الطلاب مشان مجرح حدا
بس أنا بعتبر هاد شي ضد الإنسانية
و يا ريت الكل اللي بيعتبر أنو عندو إحساس ميزعل عالطلاب
بس يدخل عالفيس بوك و يشوف شو صاير

ما حدا زعلان عالطلاب يلي انتقلو بس نحنا زعلانين لأنو العدل ما اطبق

REMA كتب:: يعني بس بدي أعرف شو هالمتعة يلي راح يعيشوها اذا صوروا استاذ مقطع فيديو و نشروه
و أنا بشوف انو هدول الطلاب بيعتبروا هالشي رجولة و هوي أبعد ما يكون عن الرجولة و أنا بعتبر هاد الشي قلة أدب و هيك أشخاص بيستاهلو أي اجراء بحقون اذا كان نقل أو فصل يعني و انتو ليش لحتى تزعلو عأشخاص اننقلو و أشخاص بقيو و نسيتو طبعا المشكلة الأساسية و يلي هيي ادخال الموبايل للمدرسة و تصوير الاساتزة.
-فعلا صار لازم يتطبق قرار الفصل بالمدارس و بدون رحمة.

أنا معك ...الطلاب أسائو التصرف بس كمان الإستاذ ما أصر بحأ الطلاب يعني والله حرام ....حراااااااام..... affraid

» عنوان موقع ويب جديد لمدرسة ابي ذر الغفاري
» التوحد مرض يصيب افراد المجتمع
» مدرسة أبي ذر