اسئلة برسم الإجابة

أحمد عندو مكتبة كبيرة فيها 1000 كتاب
شو بتنصح أحمد يعمل ليلاقي كتاب محدد
أحمد بحاجتك حاول تفكر معو وتساعده

أول شي اي انسان عندو مكتبة لازم يكون بيعرف وين مكان كل كتاب
اما اذا احمد حالة خاصة فتكرم عينو ............................
ببساطة شديدة اكيد هو رح يعرف اسم الكتاب فبقل لاحمد يروح على اقرب مقهى نت وينزل الكتاب ببساطة " بس يعجل لان يمكن النت مانو مطول............" هدا حل .......
والحلول القادمة بعدكن انشاء الله ............................................................................

بظن أنو أهم شي يفترض يعملو هو أنو يرتب المعطيات اللي عندو مثلاً : حجم الكتاب , لون غلافو الخارجي ....إلخ وبعدين أكيد رح يصير البحث عن الكتاب أسهل ، واللي عندو مكتبة فيها 1000 كتاب لازم يكون مرتبها بشي طريقة (حسب الترتيب الأبجدي ،حسب الصنف،حسب الحجم) وهيك أبداً ما رح يكون البحث عن أي كتاب صعب .
بس بيضل في فرصة أنو الكتاب اللي بدو أياه مانو موجود بالمكتبة ... وهيك ما في غير طريقة الأخ فيزيائي أنو ينزل على شي كافي نت ويحملو من هونيك .

في رأي فيزيائي يا ترى مو من ضياع المال والوقت أنو يعمل هيك
وبالنسبة لبلا ولاشي ياترى كم مرة بتخدمو الصدفة بهيك وضع؟؟؟؟؟؟؟
طيب يعني أغلبكم متفق على الترتيب لحتى يلا قي كتبه
ماشي والسؤال التاني
فرضنا أني طلبت منكم وظيفة وإجاني طالب قدملي وظيفة صح ومرتبة
وغير شكل
ولما سألتو كيف عملها قلي أنو نام بالليل وقام الصبح لاقى وظيفتو مكتوبة من حالها
وأنو ما حدا كتبلوياها هيك على عكس لافوازيه طلعت الوظيفة من العدم
هلا قلي لو أنت بمكاني شو بتقلو

أنا بالنسبة إلي بهني وبهني أهلو في عهالصراحة اللي عندو

وبعرض عأهلو ياخدو عشي دكتور نفساني قبل ما تتطور الحالة لا قدّر الله
جد مو مزح لأنو ما بتعرف يمكن معو انفصام بالشخصية وما بيعرف حالو شو عم يعمل

فهمان عليكي آنسة لوين بدك توصلينا بدك توصلينا أنو النجاح ما بيصير بلا ترتيب
والترتيب ما بيصير بلا عمل والعمل ما بيصيير بلا نية والنية ما بتصير بلا عقل
وخو بقا من وين بدك تجيب عقل يكفي كل هالأمة
فأحسن شي الواحد يحط عقلو براسو ويدرس وينظم وقتو وهيك ما بيصعب عليه شي .
صح هيك ولا أنا غلطان
وكمان عرفان شو بيت الشعر اللي بدك تقليلي أياه (إن كنت لا تدري فتلك مصيبة ......... وإن كنت تدري فالمصيبة أعظم)

حلو تفسيرك عجبني بس
لازم تصبر لتعرف نهاية الأسئلة لوين بتاخدنا
هيدا رأيك ما رح قول شو نيتي خلي كل واحد
وهو عم يجاوب
يستنتج اللي بشوفو هو ورا هيدي الأسئلة

انسة بتاخدي الدفتر منو وبتهني على صرحتوا وبتقليلو بمأنو عندك قدرات خارقة بحل الوظيفة طلع حلها على اللوح وبيطلع أذا ماعرف يحلها بتقليلو برافوا عليك
روح بكرى على الأمتحان وأول مابتفوت حط راسك ونام وقلو للمراقب بس يخلص الوقت يفيقك وبتفيق بتلاقي الأسئلة نحلت لحالها
واذا فاق ولاقى الأسئلة مو محلولة عادي مايقد الأمل لأان بكرى بس يجيب ورقة العلامات يحطها محل ماكان الدفتر لأن ممكن القدرات تكون مو منو تكون من المكان وينام
أذا ما مشي الحال وقتا أهلو بفرجو القدارت الخارقة الحارقة المتفجرة
بس السؤال أنسة أذا عرف حلها عل اللوح وقتا شوبدك تعملي
___________________________________________________
أيهم لو عنا بالمنتدى في زر أعجبني متل الفيس بوك كنت عملتلك شي مية أعجبني بس للأسف مافي

يا ترى هو اذا طلع على اللوح رح يعرف يحلها؟
اذا اصلا ما بيعرف غير انها صارت بالدفتر هي لأول سؤال
أما لسؤال بلا ولا شي فأنت ما جاوبت شو بقلو وشو رايك بإدعاءو
والسؤال اللي بيخطر ببالي من خلال سؤالك
انو بديهيا الفوضى رح تجيب مشاكل صح
طيب واستمرار الفوضى بالزمن رح تخلي المشاكل تتفاقم وتكبر
يعني الفوضى والعشوائية بتولد دمار متعاظم
موهيك ؟؟؟؟؟؟؟؟؟؟؟

ممكن يعرف يحلها لأان ممكن يكون هاد الطالب ضمير و صاحي و لما فاف ولاقها محلولة يرجع يدرسها
وانسة بها الأسئلة عم تذكريني بقصة من زحزح جبنتي

له يا وائل كرمال عيونك في زر السمعة الللي بتلاقي على يسار الردود والمواضيع كل اللي عليك تكبس(+) ولحالها بتطلع سمعتي درجة , وبما أنو عنا حرية وأنت بتعرف فيك تكبس (-) وكمان لحالها بتنزل سمعتي درجة بس بتعرف شو رح يصير فيك بعدين من قدرات خارقة حارقة متفجرة قولتك :

'طيب جاوبوني على السؤال اللي وجهتو لبلا ولا شي قبل ما كمل

اي أكيد هيك الفوضى بتولد الدمار مابدها تنين يحكوا فيها

طيب باعتبار أنو ما بدها اتنين يحكوا فيها
وتذكروا أنو اتفقنا أنو الف كتاب بدون ترتيب
وانو شي يخلق من العدم ما بيصير
وانو العشوائية نهايتها الدمار
هلا صار وقت السؤال اذا حدا قدملك
صحنين الأول راقي أطرافه مذهبة ومزين بطريقة حلوة وفي قطعة لحمة مشوية(مثلا)
والصحن التاني مكسور طرفه وهوصحن أصلا بعشر ليرات
وفي قطعة لحمة كمان وما في أي تزيين مين رح تنقي
وياريت تجاوبوني عن جد بدون تقفيل

أنا بختار أكيد الصحن الاول لأنو منظر الصحن رح يفتح شهيتي أكتر يمكن من قطعة اللحم

تذكروا أنو اتفقنا أنو الف كتاب بدون ترتيب
وانو شي يخلق من العدم ما بيصير
وانو العشوائية نهايتها الدمار
وانو نقيتو الصحن الأحلى لأنو مقدم لألكن بطريقة أكثر جاذبية وحتى ما فكرتو بالمضمون
وهلا صار دور سؤال اليوم
أحمد بيرتب ورق الشدة على شكل عمارة طويلة
راح فهيم صديقنا الجديد

خطر ببالو حالة إبداع وقرر يطبقها على برج أحمد
قام ازاح ورقة شوي عن وضع توازنها
خبروني شو ممكن تكون حالة فهيم الإبداعية الجديدة ؟
وياترى مهما كانت الورقة شو بتتوقع النتيجة

أذا من ورق الشدة أي ورقة بشيلها فهيم بدها دمر البرج

هلق نحنا أجوبتنا متل بعض کلها؟؟ یعني موممکن یجاوب حدا جواب منفصل عن التاني؟؟ ‏
إذا ممکن فرح أرجع نقي لحالي من الأول
وإذا موممکن أنسة فممکن تکون حالة فهیم الإبداعیة أنو خلا کل مجموعة من الأوراق ماتتأثر إذا نسحب منها ورقة وبأنو ‏
یحط ‏
شي ‏
یساعد ‏
الأوراق ‏
عأنها ‏
تکون ‏
واقفة ‏
بقوة ‏
أکبر ‏
من ‏
القوة ‏
الکانت ‏
واقفة ‏
فیها ‏
قبل

والنتیجة توقع المجموعة المتأثرة بهي الورقة وإذا کانت ورقة عالسطح فما بصیر شي

فهيم ما عندو ادوات مساعدة كل فكروا أنو تغيير شي بالترتيب الموجود
رح يؤدي لترتيب جديد أكثر ابهار
اما قصة انو يشيل ورقة من السطح فهو نقص موغير
ولو نقص الورق ما صار حالة جديدة صارت حالة مشوهة بس
واذا بتحب تجاوب على الأسئلة بأسلوب جديد فهيدا مرحب في

اول شي مبعرف ليش المنتدى مكان عم يسمحلي ادخل وحاسس هالمنتدى صار دنيا جديدة ...... المهم
اذا بتسمحولي رح احكي عن كل الشغلات ياللي راحت علي من الاول..........................
اول شي بالنسبة لقصة الكتاب " برأيك انسة رح يحط كل ثروته عالنت ...." بدك الصراحة بالنت الحارق الخارق المتفجر يالي عنا مابتكفي ثروته؟؟!!...
اما بالنسبة للوظيفة يعني حرام حطيتوا حطا هالطالب ورحتوا يعني فكرا فيها بعواطف قليلة شو ذنبه يعني نام وفاق وشاف الوظيفة مكتوبة بكبها " برفس النعمة"
اما بالنسبة لطلعة اللوح فانا برأي ما فيني اجزم انو هو بيعرف ولا لاء لانو هو الوظيفة اسا ماجرب يحلها " وكأنو هالسؤال الو معنى تاني " لانومازال انتي
عم تعطي المادة فلازم تكوني بتعرفي الجواب "
ومشان ما انسىى صحن اللحمة شفت انو كلكم نقيتوا الصحن الاول طيب لنفرض انو حدا منكم كل الجوع متعبى في " يعني ملزق بطنو بضهروا "
وكان في بالصحن االول قطعة ما بتكفيك ... رحت انت بلفتة نظر شفت الصحن التاني وبصراحة كانت قطعة اللحم في مغرية اكتر فمن النفروض منك
يا جوعان " اذا ما بدك تستغبى " تاخد الصحن التاني
اما بالنسبة لصديقنا فهيم يعني انسان غير شكل " وبقلو بصراحة الاذى بعض الاوقات حلو " .......................................

الترتيب والعشوائية كلمات تتخبط بنا من كل حدب وصوب والحياة لولا العشوائية قبل الترتيب ولولا الترتيب بعد العشوائية لم يكن لها اي طعم فالعشوائية تقودنا الى الترتيب والترتيب يقودنا الى حياة منظمة ولكن التنظيم ممل في بعض الامور لذلك فان الاعتدال في كل شيء هو خير كل المور لاننا مهما حاولنا التنظيم ستبقى العشوائية كنافذة راحة في زوايا حياتنا وتفكيرنا ..................
اذا نظر كل منا الى ماحوله فسيرى بعض الامور كما يتمنى ان يراها عوضا عن بعض الاشياء التي تبقى جميلة او تدمي جراحنا باشواك حادة
وان فكرنا بالتفاصيل فسيكون المضموون هو محورها .. اذا لم نعلم ما مضمون اي امر ندخل فيه ماذا نكون قد فعلنا غير الخطأ وبرأي الغوص بالتفاصيل
صحيح انه متعب ولكنه جميل لان المظاهر الخارجية خادعة في كل تفاصيلها ويبقى الجمال في الداخل والغوص في التفاصيل يقودك الى نتائجومضمونة... جميعنا يعلم قصة تاجر البندقية وقصة الصناديق الثلاثة وحكمة العبارة الشهيرة التي تقول " ليس كل مايبرق ذهبا ............"
اما بالنسبة لمحاولة التجديد او محاولة معرفة ماذا سيحدث ان ازلنا نقطة من تحت الياء مثلا ...... هل هذا الامر سيقودنا الى الابداع أو سيقودنا الى طريقة تفكير جديدة " وبرأي الشخصي من المستحيل ان يقودنا اى الفشل " وباختصار شديد انا اسامة لم اقف ولن اقف عند حد سابحث عن التجديد في كل الامور

تمام هيدا أسلوب تفكير جديد
وخليني جاوبك بسؤال
فهيم صديقنا البطل

طلع ببالو يغير ديكور غرفتو
راح نقل الخزانة وحطها قدام الشباك
وشال السرير وحطو قدام الباب
و...
هلا بدي منك تبعتلو لفهيم رسالة تبدي رأيك
بالتغيير اللي قام في
ومشان الصحنين
انا بتفق معك انو الواحد لازم يشوف المضمون
بس كان هدفي تفهموا أنو كتير مرات بيخدعنا العرض وأسلوب الطرح

_ بدكم تجاوبوني دائما بأسلوب منطقي وتصبروا لتعرفو عن شو عم بحكي
ورح دايما اترك الاستنتاج لكم

قبل ان اقول لفهيم اي كلمة اريد ان اطرح عليه سؤال هل كان التغيير عفويا ام انه ناتج عن سابق اصرار وتفكير
لنفرض انه قال لي عفويا فسأقول له التغيير امر مهم ولكن علينا ان نتأكد من الخطوة التي قمنا بها هل هي ثابتة وفي المكان الصحيح ام الخطوة التي قمنا بها كانت عشوائية ...... طبعا هذا الكلام ان كنا نريد الوصول الى شيء محدد
اما ان كان الهدف من التغيير... فقط التغيير فمن المفروض انه ايا كانت النتائج علينا الخضوع لها ومحاولة تقبلها والتعايش معها ...............................
اما ان كان الجواب عن سابق اصرار وتفكير فمن المعقول ان نحدد ولو تسعين بالمئة من النتائج لان فهيم يكون قد
قام بالتغيير وفق معادلة رياضية محدودة الحلول اقصد من ذلك انه ازاح الخزانة ووضعها مكان " الشباك " لانه يريد مثلا ان يمنع ضوء الشمس " ووضع السرير امام الباب على مبدأ " الباب يالي بجيك منو الريح بالصيف كتير مليح "...........
وبالتغيير بشكل عام علينا ان نبدي شيء على شيء فكما لاحظنا ان فهيم قد منع عن نفسه كثير من الامور لهذا اي امر نقوم به علينا ان نتحمل نتائجه ولو كانت ضدنا ومحاولة النهوض من جديد .............
فذلة القدم في امر ما لا تعني السقوط بالحياة .................

يعني يا شباب الموضوع ما مات صديقنا فهيم لساتوبنشاطو المعتاد
هيدا يا شباب من غير طول سيرة شفت فهيم واحكينا انا وهو فكان عندو مشكلة فقلتلو احكيلي ياها لنخبر الشباب يحطولك حل
في ذات يوم قرر فهيم ان يصعد لجبل فكان عنده طريقين طريق امن ومضمون لكنه طويل ويحتاج لجهد كبير
اما الطريق الثاني فهو عكس الطريق الاول قصير يحتاج الى جهد قليل و لكن الوصول الى رأس الجل غير مضمون ................ فمباذا تنصحوه
.............فهيم ما معو وقت ........... ع السريع

??????????????????????!!!!!!!!!!!!!!!!!!!!......................

اقتباس :

أحمد عندو مكتبة كبيرة فيها 1000 كتاب
شو بتنصح أحمد يعمل ليلاقي كتاب محدد
أحمد بحاجتك حاول تفكر معو وتساعده

أولا بنصحو يعمل فوضي بالبيت كلو ناتجة عن رمي الكتب بكل المحلات البيمشي فيها بالبيت وهيك هو كل يوم بطبيعة الحال بيتجول بالبيت وبشوف
الحيطان وكلشي هالمرة رح يشوف الكتب وتتخزن بذهنو رح تقلولي أنو ممكن يغربط إي صح بس يوم عن يوم بقل هالغلط لحتي يتلاشى
وممكن يعمل هالفوضى الناتجة عن نشر هالكتب بغرفة وحدة بس بدو بتواجد فيها لأكتر من 8 ساعات باليوم ومايثبت بمحل واحد بقعدتو فيها

اقتباس :

والسؤال التاني
فرضنا أني طلبت منكم وظيفة وإجاني طالب قدملي وظيفة صح ومرتبة
وغير شكل
ولما سألتو كيف عملها قلي أنو نام بالليل وقام الصبح لاقى وظيفتو مكتوبة من حالها
وأنو ما حدا كتبلوياها هيك على عكس لافوازيه طلعت الوظيفة من العدم
هلا قلي لو أنت بمكاني شو بتقلو

بقلو بكل بساطة روح كذوب علي غيري


وأكيد إلي تكملة لأجوبتي

طيب مصطفى اذا شي حدا زار فهيم وين بدو يروح فيه أذا خلى البيت بكل مكان في كتب هي شغلة
وشغلة تانية يمكن بقل الغلط بس أنت عم تحكي عن 1000 كتاب مو 100 أو 200 يعني بتصور بدو عشر سنين لحتى يحفظ وين أماكن الكتب

مشكور بلا ولا شي بس ياريت تكون افكارنا جدية شوي
نحنا عم نسعى لحل المشاكل التي نتعرض لها بحياتنا العادية
مو مشكلة رح جاوبك عالفكرة يالي طرحتها طيب اذا عمل متل ماقلت رح يكون انتقل من فوضى الى فوضى عارمة اكثر ... صح ولا مو غلط

طيب طريقة بلا ولا شي
هي جوهرها ترتيب الكتب بس كصور بالذاكرة
العشوائية ما فيها حالة واضحة
ولما كل كتاب الو مكان يعني هيدا ترتيب
هلا مشان نوصل على المكان اللازم نروح علي
خلينا نتصور أنو طلعنا رحلة على الفضاء
وانو ما بعدنا كتير يعني ضمن المجموعة الشمسية
بالأول خلينا نخبر فهيمة أختو لفهيم شو شفنا فوق

أنا بطلب لما بدنا نخبر فهيمة ناخد معنا دكتور بكون احسن ؟؟؟؟؟؟؟؟؟؟؟!!!!!!!!!....
طبعا سنجاوب أننا رأينا نجوم وكواكب وشمس و... الخ
ولكن الحبكة ليست هنا ولكن في ما سيحصل لنا؟؟؟؟؟؟ ...... ستتغير طريقة تفكيرنا ونظرتنا إلى كثير من الامور
سنصبح " بمبالغة " أعظم فلاسفة في العالم وهذا ناتج طبعا عن الدهشة التي سنقع بها ..... سنقول لها أن كوكبنا ليس سوى زاوية صغيرة
أمام أبواب الكون الجميلة.... سنسرد ونسرد إلى مالا نهاية ....
طبعا هذا التغير سيكون وفق نظرتنا إلى الفضاء
بعضنا سيصبح من عظماء التفاؤل .... وآخرون سيحاولوا أن يروا آخر حدود الكون " أنا من هذه الطائفة " ..
والبعض سيحاول أن يطرح بعض الاسئلة الفلسفية والعلمية حول ما رآه خياله وليست عينيه
عوضا عن كثير من التفاصيل الجميلة التي سوف لن نكترث بها .............وعند الرجوع نبدأ بالمسابقة بتسجيل أكبر عدد من الصور الخيالية
وصحيح انني قلت عن كوكبنا زاوية وبسبب هذا سيذهب علينا منظر كوكبنا الازرق ؟؟ كيف نراه من بعيد وما إلى ذلك ............

انسة بس اذا بتسأللنا فهمية أنو عن شو بدا نحكيلها يعني بدك منا نحكي عن انو شو ممكن يشوف الوحد فوق بأعتمادنا على النظريات والشغلات الثابتة ولا بدك منا نحكي ونسرد؟؟ من خييالنا شو ممكن نشوف

اقتباس :

هلا صار وقت السؤال اذا حدا قدملك
صحنين الأول راقي أطرافه مذهبة ومزين بطريقة حلوة وفي قطعة لحمة مشوية(مثلا)
والصحن التاني مكسور طرفه وهوصحن أصلا بعشر ليرات
وفي قطعة لحمة كمان وما في أي تزيين مين رح تنقي
وياريت تجاوبوني عن جد بدون تقفيل

H

أكيد مابهم شكل الصحن وقت بكون في أكلة مابحبها فمارأكل يكون مرصع بالألماس
وإذا كان فيهن تنيناتهم نفس الأكلة فرح أخد الصحن المرصع أكيد

أنا طرحت هالفكرة من يومين ويمكن ماحدا شافها المهم رح ارجع واطرحها من جديد .... وكل واحد يعطي رأيه

فيزيائي كتب:

يعني يا شباب الموضوع ما مات صديقنا فهيم لساتوبنشاطو المعتاد
هيدا يا شباب من غير طول سيرة شفت فهيم واحكينا انا وهو فكان عندو مشكلة فقلتلو احكيلي ياها لنخبر الشباب يحطولك حل
في ذات يوم قرر فهيم ان يصعد لجبل فكان عنده طريقين طريق امن ومضمون لكنه طويل ويحتاج لجهد كبير
اما الطريق الثاني فهو عكس الطريق الاول قصير يحتاج الى جهد قليل و لكن الوصول الى رأس الجل غير مضمون ................ فمباذا تنصحوه

جابو ا فيزيائي على سؤالو
هو خارج خطي بس مومشكلة
وكمان فهيمة بدها تسمع منكن أي شي
رح تقولوا لأنها محضرة سؤال قنبلة بدها تبهركن في
وهو :
انو اذا انزاح شي من هي الأجرام عن مدارها شو ممكن يصير

شو صار معنا ؟؟؟؟؟؟؟؟؟

سلام ....
انا حابة شارك بالاجوبة .....
هلئ انسة اذا نحنا عن نربط هلاسئلة بحياتنا العملية رح تكون الاجوبة مختلفة شوي
يعني هيدول الاسئلة مع اجوبتها ممكن يكونو اساسيات بحطها ئدامو اي انسان الو هدف بهلحياة بس الا ما يكون الها استثناءات يعني مثلا عن الترتيب انا مع اساسمة انو بلا فوضى ما منحب نرتب ومن الرتابة بيجي النظام (بس الفوضى باشيا واشيا)....بس هيي بدو يكون عئلنا معانا والانسان لازم يكون صاحي لانو اذا بئي بعشوائيتو متل ما حكيتي اخرتها الدمار
اما عن الورئ فانا برايي ا كان من الاساس عاملن صح وبئوة فما رح ياثر وحدة او تنين انزاحو بس هون بدو يدير بالو
ومشان الصحن انا بختار الاول اكيد اذا كان مضمون التنين متل بعضن
انا بنصح فهيم انو اذا كان الوصول للجبل من الطريئ الصعب بس مضمون فيروح منو واصلا الشي الناجح بلا عذاب مو حلو
انسة سوالك ع فهيمة اذا ازحنا جرم فهيي (كارثة )لانو برايي البناية اذا شلنا اساسها رح يوئعو كل طوابئها

اقتباس :

طلع ببالو يغير ديكور غرفتو
راح نقل الخزانة وحطها قدام الشباك
وشال السرير وحطو قدام الباب
و...
هلا بدي منك تبعتلو لفهيم رسالة تبدي رأيك

مرحبا فهيم ليك إذا الغرفة إلها باب أوشباك تاني فمافي مشكلة بالنسبة للترتيب بس إذا مافي كيف بدك تطلع من الغرفة ؟؟؟
أو حتى لوقررت تضل فيها مطول الأوكسجين عند ليخلص؟؟؟

اقتباس :

خلينا نتصور أنو طلعنا رحلة على الفضاء
وانو ما بعدنا كتير يعني ضمن المجموعة الشمسية
بالأول خلينا نخبر فهيمة أختو لفهيم شو شفنا فوق

شفنا نجوم وكواكب وأقمار وشمس وأجسام سيارة وشفنا أنو الضو البيجي للقمر هو من الشمس ووقت طلعنا ماكان عم بضوي متل وقت كنا نشوفو لما كنا عالأرض وكمان هيك بالنسبة لبقية الأقمار وشفنا أشياء ماكنا نشوقها غير بالمجلات عن بقية الكواكب والفضاء عموما بس هادا أهم شي لهيك حكيتو
بالأول

اقتباس :

انو اذا انزاح شي من هي الأجرام عن مدارها شو ممكن يصير

بصراحة رح يرجع لمكانو بعد مانزيحو إذا كان كوكب او أقل حجما من الكواكب أم بالنسبة للشمس فحيختل الزمكان كلو

طيب فهيم لاتوخذنا تـخرنا عيلك
لما طلعنا عل الفضاء شفنا شغلات كتير شفنا النجوم والكوكب وشفنا مدرات الكوكب والأقمار التابعة ألها بس احلى شي شفنا هو تفجر نجم (مستعر أعظم )كان الوان والشغلات يلي عم تطير منو كتير حلو ين وبس نزعجت باللرحلة بشغلة انو كنت متمني شوف عالم فضائين ما شفت يلا بركي الرحلة التانية بشوف
وفهيمة هلئ للصراحة بهرتيني بساألك بس اذا نزاحو شي مجرة مارح انبهر لا أنا ولأانتي لأان ملرح نكون موجودين بدو تتفجر مجموعتنا الشمسية أو أذا كانت المجرة بعيدة عنا ففمكن يصير عنا زلازل وارتفاع أو انخفاض بدرجات الحراة

منطقي حکیک وائل بس نحنا إسا بالمجموعة الشمسیة
ونار الآنسة وأنا حکیت إذا نزاح شي ضمن الزمکان
ونسیت شغلة إذا کان فی ثقب بالزمکان رح یوقع الکوکب بهالثقب
وبالتالي صار في فوضی هون فهیمة؟؟ کیفو فهیم سلمیلي علیه؟؟

طيب هلا بعد كل هاد فهيم
فكر انو التغير في التنظيم الدقيق
يؤدي لحالة الخراب
فهيم بيطلب منكن طولة البال
وبخبركن تساعدو
لأنو فهيمة حزريتو حزيرة وهو ما عم يعرف الجواب
وما بدو يبين قليل قدامها
والحزيرة بتقول :

شي هو اصل كلشي
شو هو هيدا الشي
مع تحيات فهيم

هلئ يافهيم سؤالك هاد متل حدى عم يسال مين سمير
بس في حسب الدين بقلك أنو الخالق خلق كل هالشغلات وأذا بدك حسب العلم بقلك أصل كلشي به الكون البيضة الكونية وبعد ماصار الانفجار الكبير تكونت بقية الشغلات
:silent
بس المهم أنو أكيد ولازم يكون في أصل لكل هالشغلات يلي بالكون

على فكرة فهيمة هي اللي سألت فهيم
هيدا السؤال

Admin كتب:

على فكرة فهيمة هي اللي سألت فهيم
هيدا السؤال

أي أنسة وين الغريب بالموضوع ما أنتي كتبتينا من فوفق أنو فهيمة هي يلي حزرتو لفهيم ؟؟

النتيجة تتعلق بالسبب الذي أدى إلى حدوث الفعل ........................
لماذا؟؟؟؟؟؟؟!!!!!!!! ....... كيف؟؟ ...ومن المسؤول
ستدخل الاحتمالات كمحور اساسي في الامر
ممكن أن تتخبط مسارات الكواكب ببعضها البعض .... ممكن أن يصبح النجم ثقبا سودا
ولكن الملخص لكل الكلام الذي سيقال ....
كل تغير سيؤدي إلى تغير وليس هناك أي تغير لا ينجم عنه أي شيء ... حتى ولو كان التغير الناتج بسيط
والحبكة هنا في طريقة التعامل مع هذا التغير والمقصود الاندماج معه وتكوين ازدواجية ولكن بمعايير واحدة
لان الهروب من التغير سيقودنا الى مشكلة والمشكلة ستقودنا الى .....
اما بالنسبة للحذورة ....... لوقت اخر..... سلام

طيب العقل والارادة والانسان
هنن اللي بيقدروا يعملوا الحياة
وكمان هي البيضة الكونية منين اجت
رح اترك هيدا السؤال لتستمروا بالاجابة
وخلينا نسمع سؤال فهيمة اللي ناوية تفحم فهيم في
قال هي سمعت بالداروينية وهي مقتنعة بهي النظرية
وراحت تشوف حالها على فهيم
والمشكلة فهيم ما بيعرف ممكن تغششوا لفهيم
وتنقلوا جواب يقولو لفهيمة