السفر أم البقاء

انه احدكم كان هدفه العمل خارج البلاد أياً يكن العمل
وقد اعطاني فكرة التساؤل المشروع
هل انت تشبه زميلك وهدفك السفر (وين من كان وشو ما اشتغلت)
أم أنك تفضل البقاء
اياً كان رأيك أرجو ان توضحه لنا

هلق السفر يعني الغربة والغربة صعبة كتير بس برأي انو ما في مانع اذا الواحد اجا شغل ممتاز ما بصحلو ببلدو او ما في الو مستقبل ببلدو فانا مع انو الواحد يسافر ويشتغل بس مو اي شغل الواحد خرج يترك اهلو وبلدو ويسافر مشانو.
يعني الانسان بتجي فرص بالحياة ولازم يستغلها والا رح يضل طول عمرو ندمان عليها بس حتى لو انو الواحد سافر فلازم يكون سفرو مؤقت مو دائم يعني بس يأسس حالو ويوصل لهدفو ويرجع.

أنا آنسة رح كمل دراسة برا و بس خلص و تصير أوضاعي مناسبة للعودة
أكيد راجع و مرح ضل بالغربة

أنسة برأي أذا الواحد بدو يسافر و يتغرب مشان يشتغل شوما كان وبأي راتب برا لأ يضل ببلدو أحسن لأان أغلبية يلي بسافرو بسافرو لتحسين الوضع المادي فا شو فأدة هالسفرة أذا بدو الواحد يرجع متل مارح
أما أذا كان هدف السفرة تكميل دراسة متل حسن فأنا مع السفرة 100%

إذا كانة الواحد عطال بطال ببلدو فما في مانع أنو يسافر إذا انعرض عليه عقد عمل بالخارج أما إذا كان عندو شغل أو وظيفة ببلدو فما بحبز يسافر للغربة حتى لو كان دخلو قليل

انسة انا بحب السفر كتيييير وخااصة لمتابعة الدراااسة وهادا انشالله اللي رح يصير
انا ضد الغربة للشغل لانو الواحد يشتغل ببلده ويفيدو احسن من انو يئدم جهودو لبلد تانية
بعديين انا برايي انو اي شخص ما فلح بشغلو وهوي ببلده رح يفلح وهوي بالغربة طبعا في ناس بتربح وناس كتييييرررين ما بيستفادوا شي طبعاا هادا مو تعميم
يعني اخر شي بحب ئولو انو نحنا نكون وااعيين لهادا الامر كتير منيييييح
مشكورة

اول شي مرحبا هلق فكرة السفر للسياحة كتير حلوة وانا بلاقي ببلدنا كل مانا عم تتطور شوي شوي وعم تصير فظيعة بالمعنى العام البعض بيقول ما عم نتطور يمكن لأنن ما عم يشوفوا المدن الكبيرة بسوريا بس منجي لناحية تانية من حهتي انا يمكن فكر بالسفر هلق انا كتير بحب الاعلام واكيد يارب نشاله اذا طلعلي ودرست مارح ضيع درسي لحتى صير مذيع نشرة جوية متل ماصار بغيري واكيد رح اطر اطلع لبرات البلد لحتى اشتغل ومارس هواياتي كانت بالاذاعة ولا بالكتابة ولا بالتلفزيون وشكرا كتير

ليش يا جماعة ما منفكر إذا كنا عنجد شاطرين،نحاول نقدم شي لسورا بلدنا
ليش دايما بلاد برا لازم تكون متطورة اكتر،طب نحنا وين.......؟
نحاول نطور شي بلدنا
هلق السفر للسياحة هاد شي مؤكد،بيبقى التجديد حلو.بس كا شغل مستحييييييييييل