أريد مساعدتكم

سؤال لكل الأعضاء :
ماذا تفعل عندما تياس ؟ سؤال جدي وأريد أرائكم

تيأس

مرحبا
بظن أنو من المفيد تحديد سبب يأسك, حتى اعطيك رأيي
لكن حتى الآن قول:"داوها بالتي كانت هي الداء", شغال معي وماشي حالو
بتمنالك حياة سعيدة

مع عدم اليأس


سلام

رأيgraviton صحيح اليأس ممكن يجي من طريقين
الأول بسبب شي محدد وهون لازم فكر صحيح هيدا الشي
بيستاهل الحالة اللي وصلتلها
أو نتيجة تراكمات وهيدا أصعب من الأول لأنو هون
بيجوز بيصعب علي حل كل المشاكل اللي اصلاً انا
ما بعرفها تماما
وهون فيني اطلع من حالتي بتحديد هدف صغير
واعمل كل جهدي حققوا
وهيك بيصير عندي احساس بالانجاز بيعطيني دفع
لكمل مشواري وحاول جرب بكل مشكلة لحالها
بس المهم الواحدما يحط كل مشاكلو بصورة وحدة
لأنو رح ينفجر راسو على منظرها
بتمنى كون ساعدتك ولو شوي وإذا بقدر أكتر
فأنا حاضرة
ب

مشكوررررة lamaعطرح هيك موضوع هام
واعتبر اليأس من الأمراض النفسية الشائعة وهو يسبب لصاحبه الانطواء والانزواء والابتعاد عن الآخرين في وقت يكتنفه فيه خوف وقلق وضجر. ويدعو اليأس الانسان ليعيش في تعاسة وشقاء ويلفه قلق وتشاؤم يجعله يعاني من تدهور نفسي خطير.
بس رح حدد اسبابو بشكل عام
• الفشل
• معاملة الطفل بقسوة عند الخطأ
• غرس الخوف في نفسه وانتزاع الشجاعة منه
• التعرضه لموقف يجعله قانتاً يائساً من حياته
• خشية المتاعب سواءاً وهمية أو حقيقية
• تقدم العمر
كيف ممكن نعلجوا
التغلب على اليأس :
يكون الشخص في هذه المرحلة بأمًّس الحاجة لمساندة ودعم من حوله من العائلة والأصدقاء على حد سواء.

وتكمن اهمية الدعم الأسري في التهوين على الشخص وايجاد المبررات له بدلاً من محاسبته. ويسهل على الانسان السوي التغلب على حالة اليأس والخروج منها لتصبح دافعاً لهم لتحقيق نجاحات وأحلام وطموحات جديدة تراءت لهم بعد فترة من، أما من يعاني من اضطرابات وضعف في الشخصية فهو بحاجة لدعم ومساندة لاجتياز تلك المرحلة والبدء من جديد.

بظن انو التجديد بالحياة شي بخلي الواحد ينسى الشي القديم
وأحلى شي بالحياة أصلا انو ما فيكي تتوقعي شو رح يصير معك
وطبعا انك تحاولي تعملي الشغلات اللي بتخليكي مبسوطة هادا بشكل عام أما إذا كان اليئس بسبب فشل بشي موضوع بنصحك
بتكرار المحاولة حتى يظبط وشوفي انو مهما صار معك الحياة مستمرة
ولازم نضل مستمرين معها و لازم نكون عايشين الحياة بشكل يخلينا مبسوطين لفترات كتيرة منها(تفاءلوا بالخير تجدوه)
وأنا بتفق مع عبد الحليم (الحياة حلوة بس نفهمها)

حاولي تتعايشي مع الوضع......ولاتشغلي بالك بشي مافيكي تأثري فيه،بالأخير أكيد رح توصلي إما لحالة استقرار مع هيك وضع أو تتغير الأمور متل مابدك.
أما إذا فيكي تأثري بالحالة حاولي تتخذي القرار المناسب من خلال استبعاد الخيارات.

لما انشالله هلق تكوني صرتي منيحة
القصة بدها وقت والزمن رح ينسيكي ، حاولي تعملي أي شي يفرحك ويسعدك.
ومتل ما اتفقنا أنا وياكي ماشي......

شكرا على المساعدة ما فيني قول اكتر من هيك لانو سبب اليأس ما خلص على كل حال شكرا لكل من ساهم بمساعدتي

عندما تضيق بك جميع المسالك وتعتقد أن الطرق كلها مغلقه بل هي محكمة الإغلاق والأضواء أطفئت أنوارها والظلام الحالك حل مكان الضياء الساطع
عندما تيئس ويصيبك الملل ويصيبك اليأس ويبدأ الشيطان بث سمومه من أفكار القنوط الى رأسك
عندما تفقد الأمل بل وحتى بصيص الأمل
فتسجد شكراً لله وحمداً أنك مسلم مؤمن موقن
عندها يتبدد اليئس بالأمل
عندها يحل الضياء مكان الظلام
عندها تشعر بالطمأنيية التي لا تباع ولا تشترى
عندها تحس وتشعر وتشم وتنعم بنعمة الرضا
وتتذوق أحلى طعم في هذه الدنيا القذره وإن كانت بزينتها
تتذوق وتتمتع بطعم حلاوة الإيمان
وتعلم علم اليقين أن الله على كل شيئ قدير
وأن الأمر بيد الله يقول للشيئ كن فيكون
فيتقطع حبل الشيطان وبثه لوساوسه وتهدأ روحك وتأنس بحسبي الله ونعم الوكيل
وتيقن أنه لا مفر منه إلا إليه
فتقول اللهم إني أسألك رضاك والجنه وما قرب إليها من قول أو عمل
وأعوذ بك من سخطك والنار وما قرب إليها من قول أو عمل .