مناقشة بين للأعضاء والمشرفين والإدارة

سننشر في هذذا الموضوع صلة الموسيقا بحياتنا الأجتماعية وسنتناقش مطولا ونقاشاتنا ستكون بإمكان الجميع المشاركة بها مهما كانت درجة الثقافة التي يتمتعون بها ............وسأبدأ بطرح موضوع هام جدا ويصيغة سؤال الذي يطرح نفسه وهو :
أي جاز نستمع إليه اليوم؟ وهل ما زلنا نتلقى موجاته القادمة إلينا عبر الأثير الأميركي، أم نجحنا في صنع "جازنا" الشرقي الخاص بنا؟ وما هي الرسالة التي يؤديها الجاز المتسرّب من بين أصابع الشباب العربي والذي ينسكب من حناجره؟
الرجاء إبداء الرأي بصراحة حتى لوكنت لاتستمع للجاز فمارأيك به وماذا تستمع من الأغاني أو الموسيقا الشرقية أو الغربية؟؟

هدا النوع من الموسيقا ما بسمعوا بالمرة وما عندي فكرة عنو أبدا بس بحس هدا النوع من الموسيقا بوترني وبعصبني كمان
بحب الموسيقا الهادية عموما بس هدا ما بيمنع انو اسمع شي غير الموسيقا الهادية
شكرا على طرح الموضوع

بس هادا شي مابيمنع أنو نسمع جاز
موسيقا الجاز شي حلو وحتى في منها هادي وفي أغاني لفيروز جاز كمان وفي البيانو جاز بفضلو أكتر شي وهو مو بس غيتار وصخب ....................وشو نوع الموسيقا اللي بتسمعي أو لمين بالتحديد ؟ هادا الشي الحابب أعرفو و من باقي الأعضاء ورح بلش مني أنا بسمع جاز بس بسمع كلاسيك ورومانس من الغربي أكتر شي وبسمع من الشرقي فيروز وبسمع ميادة بسيليس وجوليا وبسمع موسيقا شرقية كمان بس عندي ميل للغربي ولمندلسون ورحماني نوف وشوبان أكتر

قليل كتيييييير ما اسمع جاز ، يعني مو كتير بيستهوني هاد النوع من الموسيقا.
انا بشكل دائم بسمع لفيروز حتى بوقت الدراسة ، بسمع كتير موسيقا هادئة اغلبها لyanne ، وموسيقا عزف على الكمان والبيانو.
الموسيقا برأيي علاج الروح فعلاً هاد يلي اكتشفتوا من خلال تجربتي واقوى علاج لتهدأ الأعصاب ، وحتى يعني حسب ما بسمع وحسب ما بيرشدنا استاذنا الموسيقا لازم الإنسان دائما يسمع موسيقا وخصوصاً الأطفال لازم يتعودوا على سماع الموسيقا الهادئة اول شي بعدين بيغيروا ميولون اذا هنن حبوا يميلوا للموسيقا الصاخبة.
وانا بتوقع كتير الها تأثيرات على شخصية الإنسان وهاد يلي بتأكدوا الأبحاث الأخيرة يلي عم تبين اهمية الموسيقا.
والموسيقا بتعبر عن حالة الانسان ونفسيتو فبحاول يفتش عن حالو بالموسيقا، وبتختلف طبعا الموسيقا من نوع لاخرفالموسيقى الهادئة تعمل على تصفية الذهن ودفع الملل والكآبه والقلق وتعين على الشفاء من أمراض كثيرة عضويه ونفسيه. أما الموسيقى الصاخبة فهي تثير القلق, وهي أشبه بالضوضاء. والموسيقى القوية الرتيبة العسكرية فتثير حماس الجند وقد قال نابليون مرةً انه كسب معركة بفضل سيمفونية بيتهوفن. إن الموسيقى القوية الرتيبة تثير الحماس وذلك بتصريح قادة دولة إسرائيل المصطنعة حيث أعلنوا بأنهم سوف يقطعون لسان فناننا الكبير مارسيل خليفة لان موسيقاه تثير الحماس لدى المقاومة وتساعدهم على التصدي بصلابة للدولة الغازية.
والأطباء العرب قد استخدموا الموسيقى في العلاج ومنهم أبو بكر الرازي وابن سينا وأخوان الصفا والكندي،والها كتير تاثر بتحويل حالة الانسان بين مضطرب الى هادئ ومن كسول الى نشيط.
هذا وقد تعددت مشتفيا تعالج المرضى بالموسيقا قبل العمليات حتى تقوم بإسماع المرضى خصوصا مرضى القلب، وامراض ارتفاع ضغط الدم وآلام الرأس..وغيرها. فاستعاضوا عن المعالجة بأقراص الدواء او اللجوء إلى المهدئات الدوائية.
إذا فللموسيقى تأثير كبير جدا .

الموسيقا الصاخبة لاتثير القلق في رأيي فسماع الجاز والميتال والروك و............
هو تفريغ لبضع الطاقات ولوعدنا الى العصور القديمة لرأينا أن العصر الرومانسي جاء كاسرا بضع قواعد الكلاسيك فكان من يعمل بالكنيسة يحاربون الرومانسيين أمثال شوبان
ثم جاء بتتالي الأزمنة الجاز صادرا عن انفجار دام لعهود في قلب الزنوج ونابذين عبوديتهم ومطالبين بالحرية وبعدم جعل الموسيقا حكرا على الطبقات الرفيعة في المجتمعات ولكنه أيضا كان فيه كسر لقواعد الرومانس ...........ومن ثم جاء المودرن والروك والميتال وموسيقا الحجرة والبلوز والبوب وكل واحد منهم كان فيه تجاوزا لبضعة قواعد عن الآخر وهكذا أني سأرى الجيل الذي بعدنا ينظر إلى الميتال على أنه رومانس.............وبالطبع الموسيقا تؤثر كثيرا على الأطفال وسماع موسيقا موزارت للأطفال دون ال6 فهذا النمط من الموسيقا له دور كبير إن وجد في تكوين شخصيتهم بشكل سليم

بالطبع لكل نوع من الموسيقا ايا كان مهم، وما خلق شي عبثاً...
بس اذا ممكن اطلب منك مصطفى معلومات صغيرة عن كل نوع ومثال عليها حتى اطلع على القليلي عليها وبعدين بكمل النقاش( لاسمع منيح واتخذ قراري ورايي فيهن)
وحتى برايي ومتل ما شفت الناس يلي بيسمعوا روك او جاز بحدود يلي انا بعرفوا شفت انو هدول الناس كتير بيمتلكوا طاقات هائلة بداخلن وبيفرجوا طاقاتهن يا بالسماع يا بالعزف ، فأكيد مهمين.
بس كل واحد من الناس بيفضل شي فالموسيقا الهادئة والرومنسية بتعنيلي اكتر ، .كل واحد حسب شخصيتوا.

أكيد حأنشر ماأنا عم جبلك قوالب كل عصر بالمواضيع العم أنشرها بهالقسم وأنا مابسمع
روك كتير بسمع ميتال بالنسبة للموسيقا الصاخبة وبسمع جاز إذا بتعتبرو من النوع الصاخب
بس بضل الكلاسيك بيعنيلي أكتر وإذا بتحبي بحكيليك عن الانواع هي بهالموضوع او ماشي بضل عم أنشر القوالب تبع كل عصر لنوصل لهون وأخر موضوع نشرتو كان عن الفوجا وحكيت عن قوالب الباروك قبل الكلاسيك كتير

انا بشخصيتي بسمع موسيقا ع حسب الحالة النفسية اذا كنت مروئة بسمع موسيقا عالية صاخبة جنان بجنان جاز وغيروو اما اذا كنت متدايئة فبميل اسمع اغاني وموسيقا هادية كلاسيكية مشاان تواسيني هالموسيقا و احيانا مشاان طلع يلي فيني بسمع روك وبسسسس