مساعدات كيميائية

الكيميا قوانين قليلة بس فيها طرق الحل كتير
نبدا من البداية رح حدد كم نقطة
أول طريقة حل تحت المعادلة بما يتضمن التفريق بين الكتل والحجوم والمولات وهون بيطول الشرح إذا في مشاكل فعبروا عنها
لأشرح النقاط الصعبة
تاني شي الحل بالغازات والأساس اعتماد قانون الغازات العام ض1*ح1\د1.=........
تالت شي مبدأ حجم مول من الغاز بالشرطين النظاميين.......
رابع شي عدد المولات = كتلة المادة على الكتلة المولية (ج)
خامس شي الحل بالمحاليل
تركيز المادة = عدد المولات\الحجم ل التركيز مول \الليتر
تركيز المادة =كتلة المادة \الحجم ل التركيز غ \الليتر
العلاقة بين التركيزين ت مول \ل = ت غ \ل مقسوم على ج (الكتلة المولية للمركب)
قانون التمديد ت1*ح1 =ت2 *ح2
سادس شي إيجاد أبسط صيغة وإلها طريقة إذا عاطيكم ياها ممكن اشرحها مرة تانية اوتشرحوها
سابع شي طريقة إيجاد العناصر الداخلة بالتركيب وهي عليها مثال كتير واضح بأول بحث بالعضوية 171
تامن شي كثافة الغاز بالنسبة للهواء = ج \29
اذا قلك بالنسبة لغير الهوا فلازم يحددلك الغاز وبيصير القانون ك = ج للغاز المدروس\ ج للغاز المقسة الكثافة بالنسبة له
مثال الكثافة للهيدوجين ك = ج\2 وهكذا
تاسع شي في بالكيميا العضوية كلمات مفتاحية متل يقلك ازدادت كتلة انابيب البوتاس بالمقدار الفلاني معناه هي كتلة co2
عاشر شي اللي عندو مداخلة أو سؤال ما يتردد

انسة في التمرين رقم (9)بالصقحة (110) طلبين منا نحدد الأزوج المؤكسد والمرجع والمهبط والمصعد فهون عنا مكتوبين بالعكس عن القاعدة الأساسية بالصفحة 109(مؤ|مر)
ولا طالبين أنو نحدد pb كلو مؤكسد والsn كلو مرجع؟؟؟
وبالمنسبة شو هو sn???????????????

sn يعني قصدير
بالنسبة للخلية الصحيح هو اللي ورد بالسؤال
بس شوف الاستاذ شو قايلك
والحل سهل متل الخلية 106

انسة في تسمية الفحوم الهدرجينية المشبعة صفحة(190)
بس ايمتا من قول عن المركب نظامي
ومكتوب انو بالتسمية نختار أطول سلسة ممكنة كيف يعني
وكمان مكتوب (يختار طرف بدء التعداد عادة بحيث يكون بحيث يكون مجموع الأعداد المستعملة لتسمية المركب أصغريا) كيف يعني

نظامي يعني ما في كربون ثالثي يعني السلسة ورا بعضها
يعني اطول سلسة : شوف المركب 7CH3-CH2-CH2-CH2- CH-CH3
ا
2CH2
ا
1CH3
اطول سلسلة هي اللي فيها كربونات أكتر شي لو عديت الخط المستقيم لطلع ست كربونات أما العد الصحيح أنك تبدا من تحت وانت طالع وتكوع على اليسار بيطلع العدد7 يعني اكتر من ست لهيك بتختاروا
اصغريا أنك بتبدا من تحت مو من الكربون سبعة لأنو المتبادل CH3رقم 3اذا بلشت من تحت ورقم 5 اذا بلشت من اليسار لهيك بتختار تبدا من تحت
وعموما يصعب الشرح بهيدا الأسلوب إذا تمت عندك مشكلة ذكرني فيها بعد فحصك الفيزيا

أنسة بالنسبة للتسمية مشي الحال وصلت الفكرة
بس لسا في سؤال شو الفرق بين تفاعلات التبادل المباشرة وغير المباشرة؟؟

التبادل المباشر تبديل ذرة الهيدروجين بذرة مباشرة على المركب نفسه
يعني متل تفاعل تبادل الميتان مع الكلور
اما غير المباشر فبيكون ما فيني فاعل المركب نفسه مع اللي بدي بدل فيه
بروح بجيب مركب من مشتقات المركب وبفاعلو معو
متل لما بدي اعمل تبادل بين ذرة هيدروجين بالميتان وزمرة OH مافيني شيل مباشرة الهيدروجين وحط الOH
لهيك بحتال على الموضوع بروح بجيب واحد من مشتقات الميتان متل بروم المتيل
وبفاعلو مع مركب في OH متل هيدروكسيد الصوديوم أو البوتاسيوم
فبيصير انو OH بتحل محل البروم يعني بلف على المركب من ناحية تانية لفاعلو مع اللي بدي ياه