شيفرة المصطلحات الاجتماعية ، ونبدؤها بالأكثر تداولا
(بيناتنا)
للتشويق ، وتستخدم كمفتاح للدس والنميمة.
( مالك علي يمين)
بداية لكذبة من العيار الثقيل
.
(وحياتك عالغالي)
دعوة مبطنة لقصف عمر المتلقي .
(بدك الحق ولا ابن عمه)
اعتراضية لتمرير كذبة بالحجم العائلي وبحرفية عالية .
(إلك ولا للذئب)
لتحريض النخوة ، وتهيئة المستمع نفسيا
(يا مرحوم البي)
يجوز استخدامها كموسيقا تصويرية ولزيادة جرعة الإثارة ولاستدرار العواطف
(مالك بالطويلة)
فاصل منشط محشور ضمن حكاية أطول من سيرة أبي زيد الهلالي.
(محسوبك)
للمنفخة والاستعراض .
(انس الموضوع)
ضوء أخضر لفضح المنم عليه بكل وسائل الاتصال المتاحة
( سيدي ما علينا)
شارة معتمدة في ختام مسلسل نميمة من ثلاثين حلقة .
(مع احترامي إلك)
و غالبا تعني ( يا ...) بطريقة مهذبة .
(( اشتهيناك معنا ))
يجوز استخدامها بدلا من ( مثل قلتك ) أو بالناقص منك .
(آخ لو كنت معك)
خوفه من أن يوجد في موقفك .
(أنت لسه ما بتعرفني)
تستعمل للمداراة على البهدلة وسواد الوجه .
(ما كذبتلك خبر)
تأكيد على كذبة متوسطة المدى .
(اعرف مع مين عم تحكي)
تهديد منتهي الصلاحية لأشباه المسؤولين وأنصاف المدعومين
أخيرا نصيحة مني بالنسبة للمصطلحات يلي بتصير معي كتير:
اوعى شي مرة تكون مشتري غرض جديد ويجي شي حدى يسألك( بشقد مشتري )وتجوبو لأان أذا بتقلو أخدتو ببلاش فورا بقللك العبارة المشهورة (ضحكانين عليك )
وبعد بشوي بيرجع بقللك (بتبيعوا على عطلوا) مع أنو بيكون اسا بكرتونتوا ها بس هيك مشان يفرجيك أنو .....
موضوع: شيفرة المصطلحات الاجتماعية 
